味口福 (已結業)

又系时候发掘一下平嘅嘢食啦，今次黎到筲箕湾，唔想食饭食粉面，所以选择嚟到呢间系天悦商场里面，地下个一层嘅味口福，见到佢哋嘅价钱都唔算贵，同埋新开咗冇几耐，所以想试一试，亦都支持一下小店。呢间小店主要系卖汉堡包、热狗、蛋包饭等等。我哋冇叫到热狗，但系见到隔离嘅客人有叫黎食，个size都几大，我相信晚餐食热狗再加埋个蛋包饭，两个人食嘅话都够饱嘅。我哋一齐来睇一睇个餐牌有另外一张餐牌，写咗唔同款式嘅汉堡包，你都可以自行去配搭其他嘅酱料，我哋选择叫咗牛肉汉堡，加一个汉堡扒蛋包饭。首先去咗个收银处𠮶度俾钱，然后就拎住以下呢一个盒仔放喺枱面上面，专放盒仔嘅位置，员工上完餐就会收走架喇。牛肉汉堡配蜂蜜酱除咗汉堡包里面个馅同埋酱汁之外，你亦都可以选择追加其他嘅配料，例如系芝士、烟肉、蕃茄生菜等等。我哋冇选择到追加，纯粹系因为尝试真啲佢汉堡扒嘅味道。呢个汉堡扒都不过不失，唔算系好多肉汁，但都好过麦记嘅汉堡扒嘅。薯角配茄汁虽然冇炸得好热辣辣，但系个份量都好足够嘅，都几饱肚。香煎牛肉汉堡扒蛋包饭个酱汁都系可以自己选择，我哋都拣错左蒜蓉汁，个味道非常之唔夹，其实赔茄汁应该会系比较好。唔知点解都系牛肉汉堡扒，呢