添福小食 (已結業)

今晚收咗工之后去深水埗探个朋友，朋友咁啱又未食饭，叫我买啲外卖上去佢屋企度食，所以就去咗添福小食度买汉堡包薯条等等嘅小食啦。叫咗big Mac、芝士薯条，热狗王同埋椒盐鸡块。系拎返去朋友屋企嘅途中已经闻到小食喺袋里面散发嘅香味，香气扑鼻，令人食指大动。到埗，开餐。薯条炸得好香脆，每条都有好饱满嘅薯仔肉，同一般快餐店嘅薯条唔一样，再点上芝士酱来食，定令人停唔到手，一条接一条。炸鸡块可能系返炸嘅原因，有啲硬，但系因为佢系表面上撒左椒盐，同埋都算热辣辣，几香口。Big Mac ！即叫即做，牛肉汉堡里便睇得出有调味过，同埋有夹杂洋葱粒，相信系人手炮制嘅，配埋其他配料，包括爽脆嘅生菜同埋香甜嘅蕃茄再加埋底下嘅芝士，系我今餐最满意嘅食物。最后热狗王！热狗包焗得香脆，配上多到爆炸嘅番茄酱同埋芥末酱，一啖咬落去好满足。我叫咗四样食物，总共先$78 ，两个人食抵到烂。