味帝漢堡 (已結業)

相信大多数人都食过汉堡包，系大角咀就有一间制作特色汉堡。店舖不大，坐位只有7个，舖面设计也有点心思。店内有些书，野食系即叫即整，等野食个阵可以睇下书，做一阵文青。墙边贴左D食物照片，唔知食咩好就望下D相，样样都好吸引呢!!一张好简便嘅点餐纸，当坐满客嘅时候，叫外卖系最快捷嘅选择。新加坡海南鸡饭堡系限量供应，饭堡嘅饭好实正，唔会好易散开，份量好足，一半瓜一半鸡肉，瓜好新鲜好爽口，鸡肉好嫩滑。欧陆碎蛋芝士猪柳汉堡最好食，汉堡包好软熟，猪柳肉质松软易咬，肉汁鲜甜，芝士系中间慢慢流出，夹埋碎蛋及生菜，口感味道都唔错。一个汉堡餐加18蚊，就可以配个气炸薯条，用气炸方法炸薯条炸得好脆口，薯条又够粗大，粗薯条系最好食。加28蚊就可以配个窝蛋芝士薯条，薯条唔一定要脆口先好食，加埋芝士一齐焗好特别，薯条与芝士互相缠绵，再混埋蛋黄，令到薯条好滑溜，味道更鲜甜。南洋咖啡好香浓，好顺滑，又带点甜味，唔同茶餐厅冲嘅咖啡，细细嘅一杯咖啡好有惊喜。