Burger Joys (第一街)

营业中

休息中

今日和屋企人过西营盘买卤水鹅， 偶然经过这间汉堡店， 入囗就在小巷中，认得这个品牌喺其他地区也有而且口碑不俗。屋企人都好钟意食汉堡， 一于入去tea一tea先。冇理由两个人都食牛肉汉堡， 一于share食一个鱼柳汉堡和芝士牛肉汉堡。鱼柳汉堡质素喜出望外， 上面望落去平平无奇。但块鱼柳绝对系fish and chips main course 嘅 质素， 切开睇真啲份量有返咁上下， 鱼扒厚肉， 极有鱼味， 鱼肉仲系一梳梳～ 配合生菜, 蕃茄，紫洋葱和经典嘅沙律酱， 非常美味！！芝士牛肉汉堡牛肉汉堡做得好好， 肉质唔会松散，够柔软， 重点系好juicy， 好够肉味， 芝士份量啱啱好，唔会太多， 酸瓜切开薄薄小片也很爽脆， 酸酸哋中和番整个汉堡肉。 同时好欣赏佢选用嘅面包， 厚得嚟好够松软，甜甜地好夹肉类。Fries with melt cheese 幼薯条放上大量 melt cheese, 一定要衬热食㗎～ 芝士味道好浓郁， 发现幼身薯条系食极唔完， 每条都沾满芝士酱～这里的汉堡真材实料， 材料配搭亦突出食材嘅味道 👍💖，不花巧亦冇乜古灵精怪嘅款式。