影片
更多
2009-04-06
3 浏览
平时成日睇人地写的食评，拎下料先去食饭，从来都只系想写，但一直都无动手，但今次真系顶唔顺，食完饭已经想即刻写，实在要感谢陈小姐的「鼓励」认识此店系因为陈妙英、系因为间野曾经被劫，一直认为名人开的食店唔差得去边，皆因老细有头有面都唔想整臭自己个大名，点知原来真系所有野都有例外。先讲订位，我地一行8人去左大围的分店(其实都唔只呢间有问题，之前已经听人讲其他分店的「好」野，只系唔信走去试下。)，星期六去预左人多已经订定位，朋友下午已经打去订位。我地比原定时间早左15分钟到，去到要等都唔奇，皆因系我地早到，等下都无所谓。点知，等等等等等........... 等了又等，一时话有人埋紧单好快，一时又话已经执紧好快，点知都系等等等，walk-in的客比订左位的仲快，都唔知点解要订位。好声好气问门口个招待员，个女人不但态度差，且非常无礼貌，仲要同你理论，9位walk-in的比8位订座的快，因为人地系9位，实在不知所谓，睇唔出8位同9位张table争得几远，等位时已一肚气，原本有朋友话走，但又有朋友认为都等左咁耐，加上星期六去其他地方再揾可能仲耐，于是只好继续等，终于一行8人等左成45分钟先有位。入
平时成日睇人地写的食评，拎下料先去食饭，从来都只系想写，但一直都无动手，但今次真系顶唔顺，食完饭已经想即刻写，实在要感谢陈小姐的「鼓励」
认识此店系因为陈妙英、系因为间野曾经被劫，一直认为名人开的食店唔差得去边，皆因老细有头有面都唔想整臭自己个大名，点知原来真系所有野都有例外。
先讲订位，我地一行8人去左大围的分店(其实都唔只呢间有问题，之前已经听人讲其他分店的「好」野，只系唔信走去试下。)，星期六去预左人多已经订定位，朋友下午已经打去订位。我地比原定时间早左15分钟到，去到要等都唔奇，皆因系我地早到，等下都无所谓。点知，等等等等等........... 等了又等，一时话有人埋紧单好快，一时又话已经执紧好快，点知都系等等等，walk-in的客比订左位的仲快，都唔知点解要订位。好声好气问门口个招待员，个女人不但态度差，且非常无礼貌，仲要同你理论，9位walk-in的比8位订座的快，因为人地系9位，实在不知所谓，睇唔出8位同9位张table争得几远，等位时已一肚气，原本有朋友话走，但又有朋友认为都等左咁耐，加上星期六去其他地方再揾可能仲耐，于是只好继续等，终于一行8人等左成45分钟先有位。
入到去，仲衰，等成10分钟都无人理我地，终于有朋友忍唔住发火，揾个部长来先有人理下。点左菜后d野好快到，但除左小笼包外，其他都唔热的.......
小笼包: 可接受，亦是全餐比较ok的
叉子烧饼: d料完全无味
松子桂花鱼: 前所未见咁细条，成旧水的桂花鱼可以细成咁，真系奇景
酸辣汤: 既不酸且不辣，水稀稀
花雕醉鸡: 确实系冷盘，在雪柜拎出来即卖
上海粗炒: 油浸一样
炸春卷: 正名该为炸春卷"皮"
担担面: 全无花生味
高力豆沙: 食到豆沙话你好彩
陈老板，希望你有机会睇到呢个食评，虽则知你只系其中一个老板，但我地d食客只系识你只好入晒你数啦! 虽然我地已经讲左唔会再有下次再帮衬，但都唔想有其他食客再受难。服务员唔该你train过，尤其系门口0个个，唔该你请过，比d客第一印象已经咁差，大把人已经走左，厨师唔该再揾过，再系咁落去，连单生意都要再搞过。
张贴