尚香 (已結業)

之前去咗南京一段时间，有啲挂住经常食嘅江苏特色小笼包，香港有一间新开嘅原来都系内地品牌，一定有传统风味！地址就偏僻少少，系登打士街广华街𠮶边嘅大街，真系估唔到一间小笼包外卖店竟然可以上到餐厅排名榜⋯主打几款小笼包，当日本身都想试吓糯米烧卖点知卖晒，好可惜。蟹黄汤包＄45@1等左一阵就有得食，里面啲汤汁好有鲜味，又有蟹香。估唔到里面啲汤汁可以咁多，用饮管饮都要饮一阵先饮完，比想像中好味得多。而且里面仲有啲蟹肉，蟹黄当然唔少得，好有口感而且鲜味十足。蟹黄小笼包＄45@5个 鲜肉小笼包＄35@5个 我就觉得两者分别不大，上面嘅蟹黄其实味道唔算浓郁，比较清淡。蟹黄小笼包里面嘅肉好似包含咗少少蟹黄，所以味道就杂小小，同样系唔错嘅选择。反而鲜肉小笼包好似更加清新，里面就系普通嘅肉，小小肥好有弹性。