尚香 (已結業)

之前已看過這食店的報導，但經過過幾次都找不到，最後才知道這店很早關門，今晚趁著未夠時間睇戲，而之前餐日本料理又不太飽，就再去找一次吧，我們又彌敦道轉入登打士街向廣華醫院方向走，走到差不多到醫院位置就找到了，因為之前已經吃過晚餐，所以只點了一個招牌蟹粉湯包一試，先用吸管飲湯，um......完全不覺有蟹粉既鮮味，之後再食包子，皮太厚了，可能要皮厚才可以把湯包好吧

位於旺角這間小籠包店，稱之為舌尖上的中國，最大賣點不外乎是手掌一樣大的小籠包。今日經過，終於沒什麼人排隊，終於有幸一試，點了個蟹粉小籠包。用紙托盛住一個在膠兜內熱騰騰的小籠包，本意是想客人不要燙手，但不知是膠兜有洞還是店員裝上紙托時不慎打翻，有湯汁流左紙托內，本人都還沒吃就急著要拿紙巾擦手，有點狼狽。小籠包外型很適合“相機食先“，光聞沒什麼香氣。先用飲管刺穿湯包喝湯，滿滿的肉汁非常滿足。再開始分拆，皮略厚，蟹粉的香氣很足，可吃上來比大酒家鴻x的差太遠，而且每一啖都吃到蟹殼，有點懊惱。

Weekend系家樂坊果邊周圍啲食肆都排曬隊，呢間就得幾個人等，以為簡簡單單就甘系個蒸爐拎出黎唔洗等，點知比左錢之後居然等左超過廿分鐘服務態度呢個問題原來唔單止系我既經歷，睇返呢度其他文先知原來''態度惡劣''系必然，仲要系由外到內，再由內到返外，員工毫無笑容，同佢講野系完全冇表情，要嗌幾聲先應，落單既果個人又系到發'吽哣'完全唔幫手，入面個'師傅'又hea住做，所以搞到 幾張單都等左勁耐! 呢個甘既湯包賣45蚊，一拎上手就心諗: 呢次真系出事! 見佢貼曬咩得獎又有部電視show off話好食，原來全部都系假! 講到有幾大隻，到頭來入面系空心，皮又厚，冇咩餡，餡料既份量同一舊普通雲吞差唔多， omg......肉味同超市啲冰鮮雲吞差無幾，唔講都唔知有蟹皇系入面囉，仲好意思大大聲賣45蚊，你比我啊跟住啲竹籤就甘放系門口個籃，蓋都冇個，好唔衛生囉，前面馬路來來回回既車噴出黎既廢氣就甘食曬落肚，斜對面就系垃圾站，啲垃圾車行過咪仲衰，基本衛生都唔做好! 以後唔會再食囉!

一向都鍾意食上海野，尢其係小籠包，尚香既食物種類唔多，可以話係做得好專吧黎到緊係比個蟹黃湯包吸引住啦可能真係即蒸關係，都等左有D耐透過外層都可以見到湯包內裝滿湯汁，插入店內提供既短飲管，暖暖既湯汁流入喉嚨，好鮮甜既蟹黃味飲到咁上下，翻開外皮，有蟹膏，蟹肉，豬肉等另外打包左2個返去比媽咪食，竟然有大大個保溫袋用冰塊保溫，好貼心另外都買左鮮肉小籠包，因為食左湯包就無謂撞款，皮比較厚，但相對地更能保住湯汁，一樣好美味呢！

下著滂沱大雨的旺角依然人來人往，不過早前大受各電視報章的尚香門可羅雀。每次經過都說蟹黃小籠包 與糯米燒賣售罄，我在想究竟是我倒霉還是從沒有賣，不會次次也售罄吧。基於只有蟹黃湯包與鮮肉小籠包二選一的情況下，我選吃不太花巧的鮮肉小籠包。看見店員從蒸籠中取出的小籠包，沒有亮麗飽滿的感覺，外皮好像乾巴巴的，我心想蒸籠裡不是有蒸氣嗎，它應該水份充足吧。這裡的調味料只有醋，半點薑絲也沒有，不完整的小籠包吃法。😢小籠包皮平平無奇，不過不失，不薄也不厚，如我所見有少許乾涸。肉餡方面尚算軟嫩，但有點鬆散，份量不多，不過亦有些許肉汁，挺鮮香，但沒有傳媒所介紹般美味。

呢間廣華街的湯包店主打巨新湯包和小籠包，而我地都是小籠包fans，所以放工專登來試下～我地叫了個蟹黃湯包，佢其實係一個巨型版的蟹粉小籠包，雖然圖中見到個盒好大，但唔好誤會，盒上拖著的先係湯包實體，盒是中空的。同普通小籠包比較，除了size之外大嘅分別就係湯包皮的厚度。雖然咁大個湯包都預咗個皮會厚d，但厚到好似鍋貼皮咁又真係⋯厚左d⋯寧願食返小籠包細細粒皮薄躲汁⋯不過去呢個湯包的湯係唔錯既，幾濃幾好味，仲有支飲管比你飲湯，不過咁大粒小籠包食起上來就有啲論盡，一咬開啲湯汁好易滴晒落嚟⋯雖然個湯ok，但就無乜料，肉桶蟹黃唔多，價錢都要$45個⋯都係見幾有gimmick先試一次，下次都係叫返一籠小籠包比較好⋯

湯包- 湯唔好飲，似味精湯，無咩特別- 餡少之又少，得手指公咁細既一舊類似蟹肉既肉，上面痴住d無味既蟹黃，少得可憐，就好似係塊洗衫板上面痴左半口釘甘!- $45/個買塊粉餅，貴到飛起服務- 呢d鋪頭買走食都無咩服務架啦，連落單個姐仔都沉著臉，一臉不高興既樣，我得罪你咩?- 最尾係等咗成半粒鐘都未整好，一句唔好意思都冇。- 成間鋪得兩個人，d包終於蒸好，個收銀姐仔都唔識去幫手裝起d包，又唔識幫手叫籌，由得個師博一腳踢，請你返黎打機- 個師博明知成村人等緊，都可以慢慢做，慢慢叫籌。總結就系: 又難食又貴，態度又差，講完!

尚香位處於旺角的食街, 在眾多食店之中還是能夠脫穎而出。 尚香只有四道菜,分別是蟹黃湯包, 蟹黃小籠包,鮮肉小籠包及糯米燒賣。 糯米燒賣在我們光顧的那一晚已經售罄,無緣品嚐,唯有嚐足其餘三樣。 可幸的是那三樣都出乎意料的好吃。 蟹黃湯包 先談蟹黃湯包, 果然是名符其實的湯包, 稍有移動包皮已經「浪下浪下」,把飲管放進去湯汁已經溢出。 厚薄適中的包皮裹著超級鮮甜的湯汁, 裡面有啖啖蟹肉,蟹黃及豬肉,美味非常。 而且包裝很精緻, 以正方形小盒子盛載, 方便立食。 鮮肉小籠包皮薄餡靚,湯汁多,再加即叫即蒸,確保客人吃到最新鮮的小籠包,配上浙醋錦上添花, 也難怪這麼多人捧場。 蟹黃小籠包其實和鮮肉的差不多,分別就是小籠包頂部的蟹黃, 喜歡海鮮的朋友不能錯過。 配上浙醋錦上添花。 此外,店家還有售賣未蒸的包點, 在詢問店員蒸煮時間及火喉也能在自家品嚐到同樣的美味。 如果此店不是立食,相信定必吸引更多人來光顧。

前段時間大熱的神奇的包子 — 尚香湯包，經過一番報導及飲食節目「馬家開飯」的宣傳之後，貌似熱潮緩和了下來。是日路過廣華街，見店舖門前沒有客人，更不用排隊，剛好又到下午茶時間，便決定一試。麻雀雖小，五臟俱全。店舖不設堂食，更沒有立食位置，如需打包外賣，落單的時候需要及時提出。見到收銀上方有電視循環播放著「馬家開飯」對其介紹，一來為店舖進行推廣，二來對湯包的進食方法進行介紹，讓客人有所參考。我們到達的時候，蟹黃小籠包已經售罄，便只點了蟹黃湯包。蟹黃湯包賣相一如宣傳所示，很是令人期待的。正當我想參考介紹所示，用吸管先喝湯，發現用具除了竹籤，並無其他，而店舖職員也在低頭玩弄手機，無意搭理我。最後，我放棄了使用吸管。我輕輕的戳開了一個小洞，慢慢的吮吸包中的湯。湯的質地不稀不稠，有蟹的鮮香，但沒有期待中的鮮。湯的份量頗多。慢慢的，吸完湯汁之後，我們也參考片段介紹的，撥開湯包皮。撥開後，逐漸看到裡面的蟹黃粒以及小肉團。感覺餡的份量不算很多。果不其然，餡的份量確實有點少。蟹黃口感有點overcooked，很「鞋」，有淡淡的鮮香，肉團還有蟹肉的口感也差不多，而且還會吃到有軟蟹殼。不知道該說是真材實料好呢

人類是個貪新鮮、充滿好奇心的動物，但是好多食物，介紹或出產是很新鮮、新奇，試完之後，也不外如是。這個蟹黃湯包，一來貴，可是想探鮮的我沒多想，但之後吃下來，覺得根本不值這個價錢。店員有細心提醒湯很熱，但我還是被燙親，待我把湯汁啜完之後，揭開內裹，只有一小部份的蟹肉，且蟹殼佔大部份湯汁一般，不是想像中那麼蟹黃濃味，且餡料少得可憐，如果時間可以重來，我會選擇蟹黃小籠包，至少有5個，我想至少餡料會比較多點吧？

想試左好耐，由佢剛開見佢排長龍，之後朋友試完話唔好味但自己都想親身試試，自己經過幾次都冇機會買因唔夠時間等15分鐘即叫即蒸～今次係附近做完運動，就大把時間可慢慢等！原本以為即叫即蒸實唔會衰得去邊，但今次真係失望了😢$45 5隻蟹黃小籠包又唔算貴既。但餡裡其實冇乜蟹粉，d小籠包皮又唔夠薄但又全部痴埋一起，每夾一件都會爆左。可能佢蒸前已經係痴住左或分得唔夠開蒸。湯汁偏淡，豬肉又散散地，皮厚～ 因每隻都爆左，冇啖啖湯既小籠包真係好失敗。所以今次真係要俾差評了🙈

之前看過電視報導，旺角有賣可以飲的蟹黃湯包， 一直想找機會品嘗，但每次也被其他食店吸引。今天決意抽空來~ 大概熱潮退卻，店前沒有人排隊，即點蟹黃湯包~蟹黃湯包，一付款即毫無笑容遞上湯包，外皮厚度適中，味道一般但温度冷了，應該不是即叫即蒸，放涼了。掀開外皮， 湯汁四溢，由於沒堂食又沒有枱，吃時很狼狽，而且湯汁同樣是冷的，餡料蟹黃蟹肉少得可憐，唯一一小粒蟹肉毫無蟹鮮味，內裏竟吃到有小蟹殼碎。湯包下托的全是空氣，吃不飽。整個湯包只飲到微弱的鹽水鹹味，淡而乏味，$45完全唔值，失望至極!

每次搭車經過呢間鋪，唔係要排長龍，就係賣哂，一路想試好耐，今日放假終於有機會俾我試下，呢間鋪既鋪名抬頭寫住“舌尖上的中國”令我回想起多年前一次上海之旅，有棟樓高三層專食小籠包同蟹既餐廳，當時既我一心想試大既小籠湯包，點知賣完。無諗過事隔咁多年，竟然可以係香港食到同樣size既小籠包，仲要勾起咁多回憶，真係有驚喜。呢度除咗大熱既大蟹黃湯包，仲有幾受歡迎的蟹黃或鮮肉小湯包，一客有五個；幾特別既糯米燒賣四個為一份。我黎到呢度已經四點幾，可惜幾款選擇已經賣完，唯有食大熱的蟹黃湯包。上一轉出爐既湯包子俾我前面果pair情侶買咗，輪到我咁啱要等十五分鐘，唯有周圍逛下，呢條廣華街簡直係旺角區掃街天堂，食到您飽飽 。逛完一輪，有得拎啦。拳頭咁大既湯包都係第一次見，拎左支飲管啜啖先，好多湯咇出黎，不過要小心，真係好易燙親條利，湯包皮夠薄，加上入面餡料真係有蟹肉和蟹糕，無呃您，真係有蟹肉，想試既朋友，建議唔好太晏去，啲湯包子真係會賣完。

上次行過旺角廣華街食咗一間掃街小食，叫做舌尖上的中國-尚香，都幾好食所以來分享下。係¼個上海人嘅我，對任何蟹粉小食都冇乜抵抗力，上次行經，見到有蟹粉湯包，個樣好似幾靚，雖然＄45唔算好平，但係都忍唔住叫咗個。大概等5分鐘就有啦，成個湯包好似手掌咁大，上面仲插左支飲管，真係要小心啲飲因為啲湯好熱，每一啖湯都非常濃郁，都飲到有蟹黃嘅味道，咬開個皮，見到裏面有好多蟹黃，仲有d蟹肉，啲湯多到有3分一杯，個皮都唔算話太厚，唔錯唔錯。

早前經過尚香見到每個人都啜緊成個拳頭咁大既湯包我就order 一個試試排到我既時候剛好賣哂，要等15分鐘由於個次趕時間，所以就無試今日終於拉埋同事黎試下喇原來尚香係國內相當出名有成數十間分店蟹皇湯包$45 size成個拳頭咁大湯包即叫即蒸內裡有滿滿既大閘蟹精華湯蟹肉味 好鮮甜亦好足料 有蟹肉同蟹膏而湯亦用左豬筒骨、豬肉、豬皮去熬煮味道非常濃郁雖然皮薄 但唔易穿湯包趁熱食如果放得太耐凍左就會有惺味而食用方法先用飲管飲湯然後先食皮及配料另外，我地仲叫左個鮮肉小籠包一齊食$35/5粒又係皮薄足料味道鮮甜咬落口爆汁食時要小心 😂😂