譚仔雲南米線 (北帝街)

营业中

休息中

谭仔大家都唔陌生，其实我个人比较喜欢食三哥谭仔多一点。但系谭仔嘅小食就比三哥谭仔更多，所以偶尔都会想食谭仔。今日叫咗酸菜、芽菜、腐皮，汤底就拣清汤，因为叫咗一个小食系辣猪肚丝，费事个汤底都咁辣，顶唔顺。个汤唔够热, 冇出烟, 系比较暖热。我觉得佢嘅酸菜太甜啦，如果甜到可以减返啲，𠮶个酸味重返少少，就会比较好食啲，而家好似食紧一旧好甜嘅甜品之类等等。咁芽菜同腐皮都冇乜特别啦，都系烚出嚟。佢个份量都正常嘅。𠮶个香辣猪肚丝，我系几钟意食，佢将个猪肚切到好细条，口感好好，入口到好容易，辣到亦都适中，唔会太勒，𠮶种辣比较香！不过呢间既人手真系好唔够, 见到得一个员工做收钱, 落单等等, 根本就唔够人手。其实都仲见到第2个, 但佢出左黎一阵就唔见左。