沾仔記 (兆英商業大廈)

营业中

休息中

今日行开上环，经过沾仔记，唔知点解突然觉得有啲肚饿，于是行返转头落去食碗云吞面。呢间沾仔记因为要落地库嘅关系所以唔系咁显眼，以前喺上环返工都会成日帮衬，因为佢嘅云吞好大粒，虾嘅比例都算多。今日由于系下午茶时间去，所以得两三枱客，自己仲可以一人霸张卡位添🤣🤣。原来下午茶时间会有另一个餐牌，不过云吞面同饮品，都系比正价平两蚊啫！抵唔抵食就见仁见智。我叫咗一个云吞面同一个豆浆，豆浆原来系支装，都好！饮唔晒可以带走，豆浆嘅豆味都算重，而且唔会太甜。讲返云吞面，同以前一样云吞超大粒，虾嘅比例算多，唔觉有肥猪肉；面系冇碱水味，我最欣赏系佢个汤，因为真系有种鲜甜嘅味，而我又唔觉得味精好重，因为我饮咗好多汤都唔觉得口干。