火鍋撚 (雲明行) (已結業)

听讲火锅撚好出名，而且都有几间分店，今日黎开中环就去试下，佢系中环兰桂坊上面，地铁站行上黎都几索气，但一入到去，估唔到系满座，就睇下系咪咁受欢迎。打边炉最紧要个汤底，叫左个鸳鸯锅分别系峰巢豆腐白汤锅同埋祖传秘制麻辣锅，咁样可以试到一个辣一个唔辣，首先试咗佢个白汤先，好好饮，好滋润，热辣辣饮好正。再讲埋佢个麻辣汤，佢嘅麻辣汤唔系一层厚厚嘅油喺上边，所以好似几健康，而且个味唔系好咸，我净系个麻辣汤都饮咗两碗。佢个menu都有几多特别既海鲜，所以今次主要叫咗海鲜，叫咗即㓥鱼嘴，类似鱼头咁样，好新鲜。好耐冇食个鱼卜就叫埋鱼卜，正常鱼卜，都几大嚿，配埋个麻辣汤都好正。最后叫咗个新鲜鳝片，叫咗半份，虽然得三片，但系三片都好大块，而且啲鳝片都好簿好爽口，入口即溶。总括嚟讲，地点唔太方便，但都会值得去食，因为个汤底好出色，食材又好新鲜。特别想讲个佢嘅员工，间店舖长期满座，适合又有唔同嘅要求，正常都会做到有啲脾气，但佢哋嘅员工系超有礼貌同埋超邦德手，有咩要求都会帮你解答，所以成个过程都好舒服。