麵道 (已結業)

今日同朋友黎荃湾，行街前先齐齐食个Lunch先，经过面道好似几正咁，见条龙都去得几快，决定都排一排，好彩都系得左10分钟姐！呢到既拉面汤底有3款之后仲有唔同配搭，款式都几多。有D款仲可以拣埋款油，岩晒女仔啦。 我就拣左叉烧味玉酱油豚骨汤拉面，佢既卖相都唔错，玉酱油豚骨汤汤底都真心好浓郁但又唔会太过咸，而拉面既韧度都岩岩好，至于叉烧呢，就半肥偏瘦，都几淋，岩晒我，原过个糖心蛋就差D喇，因为唔太流心，不过整体都OK的！至于朋友拣既叉烧味玉龙虾豚骨汤拉面汤底同样都好浓郁，但又唔会好似出面既龙虾汤底咁有腥味，同埋佢有少少辣辣地都几正。本身对饺子既要求都几高，呢个烧汁饺子都算唔错，皮薄同埋煎到香脆，馅都有肉汁。 呢个胡麻露荀就几清新，露荀好爽口，加埋麻酱都几好味。 静冈绿茶可乐系朋友点既，不过我就觉得绿茶同可乐味都乐似冇乜，似普通汽水，哈！