古早味休閒台灣 (已結業)

尼间台式餐厅属于楼上铺位，楼下有售台式饮品，茶味浓厚。叫左红烧猪软骨面($65)，lunch set跟小食3款，饮品，酥炸盐酥鸡(跟餐叫加$19)，柳丁窝夫配雪糕($56)。猪软骨有4件，肉质软冧，唔鞋口。配以红萝卜，小棠菜，仲有微辣既汤底，汤底浓郁，深啡色既肉骨汤，惹味。而且，面条软硬适中，粗身面条有口感。小食视乎每日安排，今日系黄瓜片，腌菜，春卷，开胃之余，亦有小食食下。而跟餐优惠价既盐酥鸡，质素出奇既高，初初以为可能4至5粒，但系上枱时有8至9件，唔系一粒粒，除左炸皮薄之外，肉质滑而唔干，一d都唔马虎。跟餐饮品选择左热珍珠奶绿，唔驶加钱。珍珠沉低，份量超多，唔会煮得过熟，仍然有烟韧口感。而茶味非常突出。窝夫即叫即整，配上朱古力酱，加上冰冻云呢拿雪糕。橙块切走左白色既橙衣，所以食落易咬烂，而且甜，上面仲有士多啤梨添，甜品有卖相有味道。整体，价钱大众化，而且lunch时间都可以散叫，所以任何时候想食咩款式都可以。服务亦好，食完会清走d碟，上菜速度亦快。