Rakuraku 樂拉麵 (康怡廣場北座) (已結業)

系太古行街，见到呢间新开既拉面，好似好多人食忍唔住入去试下！龙虾汤拉面汤头整浓龙虾味，质感唔会太杰，而加埋樱花虾更鲜味，份量好多，葱同木耳等配料都几新鲜，正常，唔难食；面就拣左幼面，几挂汤，质地唔会太淋！鸡白汤拉面配料同上面一样，汤都几重鸡味，有小小胶质，面就拣左粗面，但同幼既分别不大，个人认为可以再粗啲！2碗分别拣左烧腩肉同烧肩肉，腩肉油脂分布好靓，食落好香；肩肉好重肉味但小小鞋！重点系佢既糖心蛋，佢用豉油浸左一段时间，蛋白吸晒豉油既甜味，蛋黄做到糖心效果，蛋味好浓，系我觉得呢间餐厅做得最出色既野食！