影片
更多
2024-11-23
184 浏览
其实今次已经系第二次嚟食，都系叫返我嘅最爱砂锅竹笙鸡汤米(A1)，个汤底一如既往都系好饮的。不过唔知系咪我黑仔，唔明点解去边度食鸡汤米永远都系会比鸡翼尖同埋鸡胸俾我，不过都唔紧要嘅，因为人哋本身系有得加$10可以指定要鸡髀，但系我自己冇加。我老公就叫咗虫草花花胶鸡汤米，佢啲鸡系鸡髀位，所以我之后同佢交换晒啲鸡嚟食，哈哈。两个米线得一样配菜系唔同，但系都饮得出两个米线嘅汤底系有分别嘅，都几加分。啲鸡系滑嘅，唔系煲汤嘅底料，同埋鸡嘅份量系合理嘅。美中不足嘅系，鸡翼嘅位置其实系撞瘀咗，而且都好明显，但系舖头都照比客人，觉得依个位置就有啲唔贴心，因为瘀咗嘅鸡根本就唔应该拎嚟食，所以系扣返啲分。环境方便，舖头系小店，而且间隔系好窄嘅，都坐得几逼夹。服务方面，舖头系用QR code落单嘅，所以其实都冇乜服务可言。但系本人今日咁啱用晒袋入面嘅纸巾，问个女店员有冇纸巾，佢就一句话冇，我都明白舖头要提供纸巾会增加咗成本，但系如果见到顾客真系有需要嘅话，俾张纸巾我又唔觉得好过分，又或者可以卖一包包嘅纸巾，方便顾客会好好多。其实舖头开系一啲咁偏僻嘅位置，都好靠做熟客生意，而且定价都唔系平，如果系服务嘅位置可
不过唔知系咪我黑仔，唔明点解去边度食鸡汤米永远都系会比鸡翼尖同埋鸡胸俾我，不过都唔紧要嘅，因为人哋本身系有得加$10可以指定要鸡髀，但系我自己冇加。
我老公就叫咗虫草花花胶鸡汤米，佢啲鸡系鸡髀位，所以我之后同佢交换晒啲鸡嚟食，哈哈。
两个米线得一样配菜系唔同，但系都饮得出两个米线嘅汤底系有分别嘅，都几加分。
啲鸡系滑嘅，唔系煲汤嘅底料，同埋鸡嘅份量系合理嘅。美中不足嘅系，鸡翼嘅位置其实系撞瘀咗，而且都好明显，但系舖头都照比客人，觉得依个位置就有啲唔贴心，因为瘀咗嘅鸡根本就唔应该拎嚟食，所以系扣返啲分。
环境方便，舖头系小店，而且间隔系好窄嘅，都坐得几逼夹。
服务方面，舖头系用QR code落单嘅，所以其实都冇乜服务可言。但系本人今日咁啱用晒袋入面嘅纸巾，问个女店员有冇纸巾，佢就一句话冇，我都明白舖头要提供纸巾会增加咗成本，但系如果见到顾客真系有需要嘅话，俾张纸巾我又唔觉得好过分，又或者可以卖一包包嘅纸巾，方便顾客会好好多。
其实舖头开系一啲咁偏僻嘅位置，都好靠做熟客生意，而且定价都唔系平，如果系服务嘅位置可以贴心啲嘅话，我谂应该都会有多啲回头客。
整体嚟讲都算唔错嘅不过服务就真系有待改善
砂锅竹笙花胶鸡汤米线
9 浏览
1 赞好
0 留言
张贴
