好湯好麵

营业中

休息中

呢间米芝莲推介的汤面一向一条队系门口，最近终于同饭脚去一试，果然有料到海龙皇汤面 - 个汤基本上系超浓的西式龙虾海鲜汤咁，加上虾头油，十分之香。虽然有层油系面，但都忍唔住要饮个汤棉花鸡我觉得超惊喜。个汤完全系之前去某名店食的鱼翅鸡煲的汤底一样，非常浓郁又背点胶质感觉的鸡汤。鸡肉鲜嫩，鱼肚吸晒汤汁超正😋😋😋。个汤真系唔饮晒都唔得冬旬双羊加上支竹，味道是羊腩煲咁，但羊肉系薄切，我个人比较钟意好似羊腩煲咁一块块，更有口感。三款汤面我个人觉得最正系棉花鸡。去食咗三次，三次食完饮埋汤都唔会觉得口渴👍🏻，好明显系真材实料无味精。食日本拉面我都只会饮少少汤，因为大部分太油又咸，但呢个汤面一试真系唔饮汤唔得。下次可能会买外卖，免却排队等候。