影片
更多
2022-10-20
446 浏览
今日要去筲箕湾做事，做完嘢都只系十一点几，但系一场嚟到筲箕湾总唔会唔食一餐就走，就系咁，就行咗去东大街行吓睇吓有乜好食啦⋯⋯面食一向都系我最爱，不过由东大街街头行到去街尾都有几间面店，都唔系我心水，即使当中有三间都几出名嘅老牌面店，三间都试过都系名大于实，在心灰意冷谂住要离开筲箕湾时，突然间眼前一亮🤩令我眼前一亮的不是一间食店⋯⋯而系行到去电车总站，即将待开的一架叮叮车（电车）。它令我找到目标了，我嘅目标就系坐几个站去西湾河，沁沁面。坐叮叮车好快就去到西湾河文娱中心，落车行两步就到，去到都系十二点，现场有位就即刻入坐，一坐低店员就推介我沁沁饭，话宜家刚刚开始发售，系最好味最推介。但系我嚟系想食面㖞⋯⋯食饭咪打乱晒我嘅计划。我回答等我谂吓先。沁沁饭即系腊味鸡焗油饭，我又真系好耐都无食过腊味，加上近日已经凉凉地，又真系几吸引，好啦！既然推介就试吓啦！饭一上就已经闻到个饭好香，香得嚟又好陌生，呢个饭并唔系我曾经食过嘅普通腊味饭嘅味道，望落去个饭好靓，腊肠、鸭润肠、腊鸭、滑鸡都各两件，饭粒一粒一粒好挺身，饭上面仲有一片饭焦，还有生葱点缀，卖相好好👍🏻真的很想知道食落口会有乜嘢味道。先来食一件滑
面食一向都系我最爱，不过由东大街街头行到去街尾都有几间面店，都唔系我心水，即使当中有三间都几出名嘅老牌面店，三间都试过都系名大于实，在心灰意冷谂住要离开筲箕湾时，突然间眼前一亮🤩令我眼前一亮的不是一间食店⋯⋯而系行到去电车总站，即将待开的一架叮叮车（电车）。它令我找到目标了，我嘅目标就系坐几个站去西湾河，沁沁面。
坐叮叮车好快就去到西湾河文娱中心，落车行两步就到，去到都系十二点，现场有位就即刻入坐，一坐低店员就推介我沁沁饭，话宜家刚刚开始发售，系最好味最推介。但系我嚟系想食面㖞⋯⋯食饭咪打乱晒我嘅计划。我回答等我谂吓先。
沁沁饭即系腊味鸡焗油饭，我又真系好耐都无食过腊味，加上近日已经凉凉地，又真系几吸引，好啦！既然推介就试吓啦！
饭一上就已经闻到个饭好香，香得嚟又好陌生，呢个饭并唔系我曾经食过嘅普通腊味饭嘅味道，望落去个饭好靓，腊肠、鸭润肠、腊鸭、滑鸡都各两件，饭粒一粒一粒好挺身，饭上面仲有一片饭焦，还有生葱点缀，卖相好好👍🏻真的很想知道食落口会有乜嘢味道。
先来食一件滑鸡，因为睇个样都觉得系好嫩滑，放入口真的如眼睇一样咁滑，并且很有味道⋯⋯很难形容，唯一要弹的时候鸡肉有骨碎，食的时候要小心。腊肠:不算油也不算肥腻，不硬也算是淋，而且不太咸反而有淡淡玫瑰露的甜味，很好食👍🏻鸭润肠一向都很少食，这种食品一向都不有好感，但试一下又真系几好食，口感都系淋，没有一般鸭润肠的苦味，相反几甘香，味道有啲似鹅肝酱的味道，使我以后对鸭润肠这种食物改观了。腊鸭都系淋，真系从来未试过，味道咸得嚟都可以接受，又系好味。饭焦系脆，很好食，谂起上嚟都好耐冇食过饭焦。最好味都非个饭莫属，饭不油腻而呈黄啡色，而且一粒一粒饭都内藏水份，一口饭有复杂嘅味道，咸咸地又好好味，好难形容，连我一向都不好饭都觉得好味。
另外，面店系走饮管食店，生意之外亦支持环保，系有良心嘅小店。
总结食评，这一个饭系从来未试过，味道好好有惊喜，而且仲要$46蚊无加一，一定会回头再食👍🏻
沁沁饭
$46
21 浏览
1 赞好
0 留言
张贴
