Ember (已結業)

朋友终于完成咗佢既大project，梗系要约出黎贺一贺佢啦～系铜锣湾地铁站C出口行几分钟就到Ember。门面望落去已经见到ember闪亮既标志，当中既b就用咗音乐符号代替，好特别。入到去见到灯光都系比较暗，份外突显餐厅型格既装潢。每枱都会有一小盏灯，让你感到特别有情调。现场更有live show，让人享用晚餐时，可以同时享受音乐。牛肉墨西哥烤饼配酸忌廉，牛油梨酱及蕃茄莎莎：墨西哥烤饼可以选择鸡肉或者牛肉，我地拣咗牛肉。牛肉经调味后，伴有洋葱、蕃茄、 蘑菇、芝士，再用烤好既饼皮包好。牛肉好juicy，洋葱唔会好辣，再加上蕃茄、蘑菇同埋芝士既配搭好夹。饼皮因为唔会过薄，烤过后只带有少许香脆，包起所有馅料放入口就刚好！虽然就咁食都已经好够味，但系我建议可以点酸忌廉，牛油梨酱同埋蕃茄莎莎呢三种酱汁，为味道添上清新既感觉。烤西班牙黑毛猪扒伴荷兰豆烧手指薯配烧汁：点呢道菜既时候，店员会问要几成熟。我地听从店员既建议点咗七成熟。可能因为七成熟既关系，整块黑毛猪扒都系比较容易切开，但又唔会见到血淋淋未熟既肉，见到既系令人垂涎欲滴、刚烤好既西班牙黑毛猪扒。放入口咀嚼，肉质鲜嫩而且充满肉香，唔会食到有筋好