聯邦皇宮 (已結業)

喺度饮下午茶都几relax，楼底高，天然采光，可以沐浴喺阳光下叹茶。【瑶柱贵妃鸡汤濑粉$36】贵妃鸡非常高质，肉质嫩滑鲜鸡味浓，仲要件数多，每件都多肉。$36嚟讲性价比认真高。【鳯凰煎年糕（中）】年糕炒蛋，年糕煎得一啲都唔香口，感觉好似只系整热佢咁，蛋浆亦冇好均匀地铺满年糕，好似hea整咁。【芋丝炸春卷（中）】只系微温，好在仲系皮脆，入面馅料足，真系有香芋味。【南翔小笼包（中）】差，皮厚，零汤汁，穿咗皮都冇肉汁滴出。最多只可以叫肉饺，根本唔系小笼包嚟。【必食人气流沙包（中）】真系有流心，奶王浆够多，不错。整体食物水准参差。