容記小菜王 (已易手)

旧同学生日, 打算到中菜馆吃饭庆祝, 当天8时30分左右到达, 发现已人头涌涌, 幸好自己早了一天订位, 坐低开始叫菜, 之前已看过这里的食评, 看到对烧肉的评语好坏不一, 十五十六之下照叫了烧肉一试, 还试了炸鲜鱿...烧肉黎先, 食完一旧消去之前睇到劣评的怀疑, 赶紧去抢夹第二旧, 全部同学都好受落, 一致赞好, 另外炸鲜鱿亦交足功课, 唔太溜, 脆口好食。之后上台的走地鸡保持水准, 之前好怕食d鸡冻, 但一食之下, 伋热辣辣同埋有咬口, 我地当晚一行8 人, 叫了半只鸡, 加其他菜感觉份量足够, 如好鸡人士可再叫全只。沙律骨也不错, 但吃多两件都会几溜。素菜卷一般, 有同学好素, 所以叫了这个菜式, 但感觉麻麻, 可以自行商量是否需要叫这个。对比素菜卷, 草菇西兰花的表现较好, 基本菜式唔会水淋淋。另一期待焗鱼肠, 对于平时不吃内脏的我也抵受不住, 叫饭之后一定要叫埋, 料足没有腥味, 冻天食岩岩好。烂鱼煲一般, 相信可以有其他选择。