彗星餐廳

营业中

休息中

乐园今日有交响乐演出再适逢周末，人山人海，为咗避开人潮，去咗较静嘅彗星餐厅。可能露天同食物选择唔多嘅关系，真系比较多位。今日餐牌有日式同台式，虽然款式都吸引，但充分感受到乐园物价嘅上涨。因为想饱肚少少，所以同朋友叫咗两个饭餐。两个饭都系珍珠米，都算系粒粒分明，不过再干身啲会好食啲。蒲烧鳗鱼滑蛋珍珠饭 鳗鱼好大条又冧身，鳗鱼汁都好好食，系酱汁同滑蛋份量都偏少，唔够送饭。而且滑蛋再滑啲会更好。跟餐嘅味噌汤嘅味道普普通通，豆腐粒比想像更多。炸猪排肉躁珍珠饭，肉躁唔太咸，猪排肉质唔鞋口几惊喜。不过猪排外皮唔脆，唔系好食得出系炸，感觉只系普通猪排。食物味道都ok，乐园入面食饭要呢个价钱都系意料中事，不过性价比并唔高。