馬哥孛羅咖啡廳

虽然呢间餐厅可以评选为本年度最伏餐厅之一，但系佢并唔系好似其他人所讲嘅咁多差评啰，只不过佢真系做得唔够好，同埋价钱一啲都唔值，希望餐厅老板可以睇睇呢个诚恳嘅评论 。因为餐厅环境以及食物真系好普通，原谅我冇影到任何相给予大家作参考。首先要讲嘅系呢间餐厅我哋系林圣诞前去嘅但系好多地方都已经有圣诞装饰而呢间餐厅一啲气氛都冇就可以睇得出老板定唔系对呢间餐厅太上心，所以一日门嘅第一感觉就觉得伏伏地。其次就系要讲佢嘅食物，生蚝开得一啲都唔专业每一只生蚝入边都有蚝壳，同埋睇得出佢系开定㗎好唔新鲜。然之后就到刺身，质素唔差但系个摆位好有问题，因为刺身嘅档口位系摆喺门口出边㗎，俾人感觉好唔专业同埋唔卫生，同埋客人完全望到晒个师傅系点样处理啲刺身嘅，美观同埋用餐体验已经大打折扣。最后要讲嘅就系呢间餐厅嘅服务，并唔似其他人所讲服务态度差，而系佢入面嘅店员未收到一个五星级餐厅应有嘅培训，收碟都勤力嘅，而且店员都好有耐性解释俾你听你所要问嘅问题。所以希望老板能够认真改善同埋检讨呢啲存在嘅问题，因为六百几蚊一个自助餐真系非常之唔抵食同埋有好多选择。