吉田舍料理

营业中

休息中

有Den San嘅加持，梗系要去试吓啦。一出电梯就俾人潮塞住咗🤣，个位实在太细，又未到开门时间，如果唔想入唔到最好早半个钟到。到点餐啦，记住，千祈唔好讲号码，要讲个餐名，职员唔会记个号码。我同朋友分别点咗照烧银雪鱼同埋烧牛柳定食，点知转头同我讲冇牛，咁唯有叫吉列猪定食。首先嚟到嘅系银雪鱼，有饭有前菜有汤有鱼，都算几丰富，但系块鱼细过我同你块手掌，不过味道系唔差。吉列猪方面，炸得好松脆，系肥膏多咗啲有啲油腻感，配菜就唔多讲度度都差唔多，个汤就偏咸，我𠮶份份量系算OK嘅。食晒个餐朋友系唔够饱嘅🥲。然后有个日本侍应问我哋要乜嘢餐后嘅饮品或生果，佢当然系用款咸淡英文啦😅，咁我朋友听咗几次都听唔明佢讲乜，佢就有啲唔耐烦行开咗，咁我唯有叫个香港人侍应落单，原来日本人都会有不耐烦嘅一面，可能系我见识少啦🤪，不过总体上系唔错但系要我再食下一次应该要隔多一排先去啦