鮨樂 (鱷魚恤中心)

营业中

休息中

本身之前食过一次系尖沙咀店，当时都觉得食物质素ok，又多优惠，所以第一次食完印象都还好。但对上呢次系9月22号，再同朋友系观塘店食晚餐，食完呢次决定以后都唔会再回头！当日叫完野食后被告知好多野都已经无哂，算啦唔紧要再叫其他，食物质素都系咁上下啦，不过不失。但最令人不满系店员啲服务态度，当晚已经唔系爆场，我谂加埋我地全场唔超过五枱。但啲店员就好似好忙咁，想要拎只碗要叫起码三次，更加唔好希望佢会主动帮你加茶，都同样起码要叫几次先会理你。到9点3，店员话要埋单先，ok都理解，埋完单后5分钟，又主动谂住叫店员帮手加茶，店员竟然同我地讲：个茶壶已经洗左。我地当下真系唔识反应咁望住佢，跟住佢就走左。我地唯有都快快手食埋两啖起身走。（一边食一边隔离有人拖地都废事讲）成餐饭简直系「日本餐价钱，茶记质素」真系大开眼界。