第一郡 (已搬遷) 新店位置

慕名而去因好多网红讲到好好食，下午接近1:40左右去食，都要轮侯大约10分钟左右有枱，叫咗最出名的蟹膏蕃茄汤檬粉，蟹膏味道麻麻，冇鲜味和蟹味好淡，蕃茄和其他配料都系一般，上汤及檬粉唔错，冻奶茶茶味浓，好饮、而热咖啡用纸杯装有点失望，饮品有跟餐价都算抵饮，但餐厅环境挤迫，最惨系坐喺面壁位置，背脊不停被侍应撞到，而且座位有啲迫，同隔离食客手部都撞了几次，仲有卫生真系麻麻，天花有滴水，所以想快快食完尽快走，唔想再试其他嘢，侍应招呼两极化，年长侍应都有礼貌及耐性，年青侍应木无表情兼无招呼，而性价比只属一般，如果路经附近一试无妨，绝对不值得专程去帮衬的需要。