影片
更多
2018-11-07
165 浏览
日式布置。刺身好食，每样都几新鲜。马刀贝同象拔蚌爽口；吞拿鱼新鲜，好食；带子唔系平时放题一粒粒个只(柱贝?)，而系一片片既，亦唔会好薄切，鲜甜；油甘鱼口感略嫌差d ，唔系咁好食。整体刺身都系好食，略优于其他放题。寿司最好食系火灸和牛寿司，入口即溶；鳗鱼同蟹棒寿司都几好食。酱烧蟹柳、火灸三文鱼、火灸芝士三文鱼、芥辣八爪鱼寿司都唔错。卷物食左花之恋、鳗芝卷、黄金蟹卷同龙虾和牛卷，细细件唔会好饱，惟馅料太少。仲叫左螺肉做前菜。炉煓烧：一口牛同海虾几好食；酱烧花枝丸有花枝味，几有口感；鱼蛋正常盐烧；鸡肾有一件太un食唔到；青椒仔比想像中辣好多，青椒籽好辣。一品料理：芝士焗虎虾好入味，虾肉虾壳配埋酱汁一齐食，口感一流，推荐；芝士焗蚝有惊喜，热辣辣，配埋个酱汁，好食，推荐；牛仔骨好入味 口感唔错(当晚无羊架供应，用牛仔骨代替)；金菇肥牛卷烧得几好，好味既牛肉；七味焗鸡翼焗得唔错；豚肉生姜烧有烧汁味，几好食，略嫌份量多左d；一口牛冻左一般，热食应该唔错，份量都系有d多，可能食串烧一口牛会更好；忌廉焗带子有淡淡芝士味，几有咬口，但唔够其他餐厅好食。清酒煮扇贝几有咬口，但无乜味，似只系整熟然后放落清酒到
刺身好食，每样都几新鲜。马刀贝同象拔蚌爽口；吞拿鱼新鲜，好食；带子唔系平时放题一粒粒个只(柱贝?)，而系一片片既，亦唔会好薄切，鲜甜；油甘鱼口感略嫌差d ，唔系咁好食。整体刺身都系好食，略优于其他放题。
寿司最好食系火灸和牛寿司，入口即溶；鳗鱼同蟹棒寿司都几好食。酱烧蟹柳、火灸三文鱼、火灸芝士三文鱼、芥辣八爪鱼寿司都唔错。卷物食左花之恋、鳗芝卷、黄金蟹卷同龙虾和牛卷，细细件唔会好饱，惟馅料太少。仲叫左螺肉做前菜。
炉煓烧：一口牛同海虾几好食；酱烧花枝丸有花枝味，几有口感；鱼蛋正常盐烧；鸡肾有一件太un食唔到；青椒仔比想像中辣好多，青椒籽好辣。
一品料理：芝士焗虎虾好入味，虾肉虾壳配埋酱汁一齐食，口感一流，推荐；芝士焗蚝有惊喜，热辣辣，配埋个酱汁，好食，推荐；牛仔骨好入味 口感唔错(当晚无羊架供应，用牛仔骨代替)；金菇肥牛卷烧得几好，好味既牛肉；七味焗鸡翼焗得唔错；豚肉生姜烧有烧汁味，几好食，略嫌份量多左d；一口牛冻左一般，热食应该唔错，份量都系有d多，可能食串烧一口牛会更好；忌廉焗带子有淡淡芝士味，几有咬口，但唔够其他餐厅好食。清酒煮扇贝几有咬口，但无乜味，似只系整熟然后放落清酒到。
炸物：芝麻鸡翼几有肉汁，唔鞋，好味，炸蚝真系有蚝肉，唔系超细粒个只，沾埋沙律酱，唔错。芝士年糕同紫薯波正常质素。天妇罗一般，海虾同青椒无乜味。
饮品：只饮左热菜蜜、乌龙茶、忌廉沟鲜奶同可乐。饮品款式比其他放题少，唔系自取，不过叫一罐都要落单好似有d麻烦。
太饱既关系，甜品只食左绿茶雪糕。
(个人口味: 4+4/10)整体而言，我最欣赏既系，几乎所有热食上枱都系热辣辣，为尼餐饭加左好多分。可能系平日加上早鸟既关系，餐厅唔算多人，唔会好嘈。性价比都唔错，抵食。可惜早鸟时段无海胆，要正价时段先有。可以挑剔既系收碟速度偏慢。
题外话/补充资料：
早鸟放题：6点前入座$178，加一计正价($238)
(以上食记乃用户个人意见 , 并不代表OpenRice之观点。)
张贴
