影片
更多
2023-03-03
3485 浏览
🥰 早前老友 “意大利长介” 去咗 Petrus 食晚饭, 又吹到呢度嘅红虾系全世界最好食. 穷穷地, 我今日揾埋饭友 “格鲁特” 嚟食午餐.🥢 Petrus 喺金钟香格里拉酒店56楼, 享维港海景, 配华丽嘅宫廷式装修. “格鲁特” 投诉话坐低5分钟都冇侍应埋嚟, 除此之外, 服务OK. 🤗 午餐三道菜, $738+10%, 包头盘, 主菜, 甜品. 我分别拣咗池鱼, 鸡三文治, 士多啤梨. “格鲁特” 拣咗蚝, 意大利饭, 苹果批. 餐酒选择又多又贵, 法国酒拣唔落手, 最后悭悭地点咗一杯美国红酒, $320, 优质.🥐 面包. 正正常常.🥧 Amuse Bouche. (1) 芝士波, 趁热食, 够香, 不俗. (2) 第二件挞用上橙同青瓜, 我唔钟意食酸嘢啰. (3) 第三件挞玩油甘鱼, 唔错.🐟 头盘一: Japanese Aji. 又喺法国餐厅衰俾条 “鱼”. 服务员话半生熟, 感觉就系熟咗嘅鱼生, 口感同埋味道都系一般般.🦪 头盘二: L’ Antilope 1858 Oyster. 蚝, 就系蚝, 好食但冇特别.🐥 主菜一: Three Yellow Chicken.
🥢 Petrus 喺金钟香格里拉酒店56楼, 享维港海景, 配华丽嘅宫廷式装修. “格鲁特” 投诉话坐低5分钟都冇侍应埋嚟, 除此之外, 服务OK.
🤗 午餐三道菜, $738+10%, 包头盘, 主菜, 甜品. 我分别拣咗池鱼, 鸡三文治, 士多啤梨. “格鲁特” 拣咗蚝, 意大利饭, 苹果批. 餐酒选择又多又贵, 法国酒拣唔落手, 最后悭悭地点咗一杯美国红酒, $320, 优质.
🥐 面包. 正正常常.
🥧 Amuse Bouche. (1) 芝士波, 趁热食, 够香, 不俗. (2) 第二件挞用上橙同青瓜, 我唔钟意食酸嘢啰. (3) 第三件挞玩油甘鱼, 唔错.
🐟 头盘一: Japanese Aji. 又喺法国餐厅衰俾条 “鱼”. 服务员话半生熟, 感觉就系熟咗嘅鱼生, 口感同埋味道都系一般般.
🦪 头盘二: L’ Antilope 1858 Oyster. 蚝, 就系蚝, 好食但冇特别.
🐥 主菜一: Three Yellow Chicken. 搞成三文治咁嘅样. 鸡肉滑溜, 其他馅料口感似鱼蛋, 几得意.
… 最奇怪系另外俾兜蔬菜沙律.
🐚 主菜二: Japanese Scallop. 带子海胆意大利饭, 好食嘅, 冇惊喜.
🍓 甜品一: Japanese Strawberry. 就系脆脆加雪葩, 士多啤梨喺底, 合格吧.
🍎 甜品二: Apple Strudel. 苹果批经典配置: 奶油加雪糕, 我钟意.
🥨 Petit Fours: 两个大码蝴蝶酥, 最后食唔晒.
🤗 总结: 装修极具气派, 又享海景, 座位舒适, 服务OK, 听讲窗边位要预早订枱. 论食物, 就系零惊喜, 以呢个级数, 呢个环境, 有点失望.
张贴
