薩莉亞意式餐廳 (已搬遷) 新店位置

呢日系重阳，由于系假期既关系。所以就无set lunch供应啦。咁就只好睇住餐牌叫野食，所以只系叫左个pizza同两个主盘算啦。芝士pizzaPizza反而会黎先，但食落真系好够热。值得一赞既系，芝士既份量好多，而且可以拉到一撕撕咁长。真系好吸引，而且又有芝士味。呢个pizza索价都系28蚊，真系好睇又好食。香辣烟肉长通粉呢个都唔错，长通粉算好烟韧。虽然配料唔太多，但胜在简单就是美。因为个汁辣得好惹味，所以配料是如何已经变得唔重要。最小，个粉真系20几蚊到，不可能要求太多。甜虾多利亚饭又一个唔错既饭，胜在忌廉味浓。而且个饭一都唔硬，食落仲好有咬口。价钱真系好平，但唔会将货就价！而甜虾又唔系得个名，食落真系几甜架。呢个饭真系几好食，份量又好，好抵食。虽然假期系无set lunch，但选得适当都可以用相宜既价钱食到好饱架。最紧要既系，佢地唔会因为价钱平而将货就价。