宴 尖沙咀

钟意冲绳美食嘅朋友，千万唔好错过呢间餐厅嘅冲绳美食。❣️炸冲绳鱿鱼须❣️口感外脆内软，完全冇任何嘅腥味，而且仲好有咬口，咬落去好有弹性，令人一啖接一啖停唔到口。❣️鸡肉大叶串烧伴梅子酱❣️鸡肉口感鲜嫩多汁，好香嘅烧烤味，整体嘅味道咸味同甜味适中，非常啱钟意鸡肉串烧嘅朋友仔。❣️厚炸冲绳岛豆腐❣️冲绳岛豆腐嘅口感比起其他豆腐嘅口感更加嘅酥脆，更加嘅厚实Q弹，豆味浓醇，沉甸甸嘅，带有厚重感嘅特色，非常之美味。❣️青瓜猪耳❣️口感同味道都非常之清爽，食落去非常之清新爽脆，非常啱当送酒小菜。❣️自家制花生豆腐❣️唔同于黄豆制作嘅豆腐，花生豆腐可以当甜品咁食。花生豆腐具有浓郁嘅花生味同埋弹牙嘅口感，整体口感非常之滑嫩。❣️自家制冲绳黑糖年糕❣️冲绳年糕甜而不腻，口感非常之柔软，配埋黑糖酱一齐食，鲜甜美味，无论男女老幼都会钟意嘅甜品。