囍碟 (已結業)

系利东街揾野食，见到呢间似酒吧但又有星马菜食既餐厅，觉得几特别就试下啦！蟹肉多士都几多蟹肉系上面，重有少少蟹膏夹系中间添啊！不过我唔系咁钟意d蟹肉有少少腥腥地既味但朋友话觉得冇乜问题㖞....块多士唔系话烘得好脆。呢个豆腐好惊喜！个名叫「敲诈」豆腐咁搞笑既个卖相虽然好似好普通，但系食落有甜甜地既味道，豆腐本身豆香都好重！不过就炸得唔似炸过，冇乜酥脆口感，但个味道好正！睇个名以为系牛扒，但望一望英文名先知原来系串烧黎既。用个铲装住够晒特别啦！送埋个秘制沙嗲汁比你淋上去，店员（讲英文既）讲明系佢地自家用焦糖同花生整既，真系特别正啊个酱！有d似甜甜既花生酱，但又唔系花生酱，又带d沙嗲果种香料味，好复杂，真系要试过先会明！至于d牛肉就唔够淋，都要d牙力咬，但系个牛味系值得呢个价钱既！呢个烧春鸡上枱时都几凌乱，摆得唔够吸引。但系一上就闻到好香既斑兰业味！烧鸡既皮带少少脆，完全唔油腻，但肉如果滑d就更加好啦！不过只鸡都几多肉嫁，我地2人share觉得太多啦！整体呢度价钱都几合理，食物味道未至于好impressive但系都唔错，但系选择就少左d，如果有时间都可以再黎过！