影片
更多
2010-12-18
28 浏览
10月2日, 因为有coupon关系, 今晚就食个沙嗲王先~ 记得沙嗲王已经喺香港十年有多, 经过几次经济衰退都仍然迄立不倒, 原因就系佢嘅野食够经济大众化, 味道亦合港人口味~::: 白咖哩猪扒饭 ::: $37由$2x食到而家, 每一次都唔会令到我地失望~ 白咖哩creamy得嚟有少少辣味嘅刺激, 加上杰杰嘅质地, 仲有d洋葱炸蒜同葱粒一齐吊吊味~ 捞饭非常好味! 猪扒依旧炸得香口又有香茅味, 咬落唔韧啱啱好~::: 越南猪肉粉卷 (4件) ::: $22又系一样每次必食! 味道确实一流~ 粉皮, 粉卷内嘅猪肉同冬菇, 葱粒再加上肉松, 配合都无懈可击! 点埋甜甜酸酸嘅檬汁, 仲好开胃添~ 唯一比以前差嘅系粉皮多咗厚咗, 而猪肉同冬菇料反而少咗…::: 蒜茸牛油鸡翼 (2只) ::: $15望上去好似好大只嘅鸡翼, 不过一咬就发现炸粉占了大比数, 炸粉上有好香浓嘅蒜茸同牛油味, 不过都几油腻… 反而鸡翼本身唔太入味, 肉地只属麻麻…::: 印度薄饼 (跟咖哩汁) ::: $16未试过呢样, 薄饼跟咖哩汁真系好吸引~ 不过好印度野嘅我, 一看就知这不应叫薄饼, 系油松饼先啱~ 不过这
::: 白咖哩猪扒饭 ::: $37
由$2x食到而家, 每一次都唔会令到我地失望~ 白咖哩creamy得嚟有少少辣味嘅刺激, 加上杰杰嘅质地, 仲有d洋葱炸蒜同葱粒一齐吊吊味~ 捞饭非常好味! 猪扒依旧炸得香口又有香茅味, 咬落唔韧啱啱好~
::: 越南猪肉粉卷 (4件) ::: $22
又系一样每次必食! 味道确实一流~ 粉皮, 粉卷内嘅猪肉同冬菇, 葱粒再加上肉松, 配合都无懈可击! 点埋甜甜酸酸嘅檬汁, 仲好开胃添~ 唯一比以前差嘅系粉皮多咗厚咗, 而猪肉同冬菇料反而少咗…
::: 蒜茸牛油鸡翼 (2只) ::: $15
望上去好似好大只嘅鸡翼, 不过一咬就发现炸粉占了大比数, 炸粉上有好香浓嘅蒜茸同牛油味, 不过都几油腻… 反而鸡翼本身唔太入味, 肉地只属麻麻…
::: 印度薄饼 (跟咖哩汁) ::: $16
未试过呢样, 薄饼跟咖哩汁真系好吸引~ 不过好印度野嘅我, 一看就知这不应叫薄饼, 系油松饼先啱~ 不过这油松饼太过干, 感觉似淋咗嘅饼干… 咖哩汁算系惹味, 不过捞饭会更好些~
::: 青柠梳打 ::: $9
好怕梳打只系加梳打水, 会好淡… 不过呢个青柠梳打甜甜地酸酸地, 几开胃~
虽然沙嗲王都追求创新, 每次来都有几种新推出食物, 不过好似都系旧有食物比较有水准~ 都系𠮶句, 港人口味好独特, 要合口味才能在香港生存~
张贴
