沙嗲王 (已結業)

好多年无嚟过沙嗲王，今次系因为其中一位朋友仔有沙嗲王现金券而决定呢次聚餐地点，谂返对上𠮶次嚟仲系海盗主题。坐低后睇餐牌，选择比以前少，特别系小食，我哋四人每人拣咗一个午餐另加两个小食。芝士焗牛柳饭粒，牛柳几好，唔韧，但汁嘅味道唔特出。慢煮猪软骨饭配溏心蛋半只，猪软骨够淋又入味。白咖喱香茅猪扒乌冬，猪扒都几好，唔系腌到好松无晒肉味𠮶种，白咖哩汤温和微辣。铁板娇嫩巨脾饭，鸡脾系烧得唔错，好嫩滑，但系淋汁上去系无吱吱声，铁板系装饰。印度薄饼，无配咖哩汁。一口炸鸡球，鸡肉可以，外层唔会太厚。芝士焗年糕，芝士可以拉丝。涷紫薯鲜奶配珍珠，好味略甜。抺茶鲜奶配西米，抺茶味唔太浓，都系甜咗少少。