打邊爐海鮮火鍋燒烤店 (已結業)

本来夏天都无咩兴趣想打边炉架啦，但朋友话呢间用龙趸嚟做烤鱼火锅，心谂咩料呀，用龙趸做烤鱼咁豪，应该有啲料到㖞，咁就去试下啦。星期一收工坐巴士嚟到土瓜湾，一落车见到有间麦记，前少少有恒生银行，再望过对面马路就见到打边炉啦，位置唔算难揾。舖头唔算大，但枱与枱间都有足够空位，冷气充足，夏天打边炉都够晒凉。最抢眼系个鱼缸，打理得好靓，水质干净，里面有4-5条龙趸，全部都系好生猛游紧水，仲有龙虾，花甲喺缸嘅上层都好生猛。呢度点菜有样好，够环保，就咁用立笔喺餐牌上圈写就得，唔驶下下写落火锅纸到。仲有火锅料有分一碟和半碟，岩晒两个人嚟打又叫唔到咁多嘢，叫半碟可以食多几款其他料，够体贴。老板同师傅都好好服务又热情，时不时睇下我地仲有咩需要，又极力推介我地食腊味煲仔饭，但系我地都系冇叫到，想集中火力试下啲火锅。超钟意食鱼嘅我当然要试下鲜活烤鱼酸菜汤底。龙趸有2斤重，泡过油后伴以大量莞茜，酸菜，少量泡椒，灯笼椒，卖相非常吸引。龙趸真系好新鲜，斑有佢嘅质感，纹理紧密细致，好容易就夹起啖啖肉，咬落鱼肉有弹性，趸皮较厚又够胶质，煮得耐啲肉都唔怕散晒，趸皮更有咬口。比起其他舖头多数用嘅钳鱼或淡水鱼，更多一分京贵，