Big John (已結業)

昨天出左去,朋友说好想食big john,已讲过多次都冇机会去到,昨天终于去左呀!环境小小,全店都有好多狗仔的相框及攞设,都几得意及特别呀!每人叫了一个沙律餐,我叫了吞拿鱼杂菜沙律配夹饼,饮橙汁,朋友叫了一个鸡丝杂菜沙律配夹饼,饮低糖豆浆,其实小食可配好多唔同款式的食物,我见食评有好多都说夹饼好味,所以就想试下,等左一阵沙律就嚟,都几大份,好多吞拿鱼,但好好味,生菜好多好新鲜,有些青瓜,蕃茄,有些面包粒,提子粒,哗,食极都好似仲有好多咁,朋友的鸡丝沙律都好吸引,我们等左好耐,但夹饼还未到,后来问仕应,原来是要叫他来才会弄的,朋友说上次都是这样,但他忘记了,这样都几好,因怕你未食完会冻了不好吃,夹饼有两件的,是半份,是花生酱及牛奶,好味呀,好多酱,脆卜卜,如果再热d更好味.这里还有好多其它选择,有面饭,下午茶等