秋櫻屋 (已結業)

成日都去太古城食lunch，所以今日就转下地方，去康山食。平时呢间好多人排队嫁，今日见佢唔洗排队，当然要试下啦。餐汤系粟米忌廉汤，都几浓稠，不过对于中意食粟米既我黎讲，d粟米有d少海鲜蕃茄酱意粉配特选沙律套餐 - 沙律好大碟，而且材料仲好丰富，除左一般既沙律菜外，仲有我最爱既牛油果、薯仔沙律同有个整成球体形状(我觉得系南瓜)既食物，其实基本上食完呢个沙律都饱。因为个沙律份量都比较大，所以个海鲜番茄意粉份量就相对地细d，但依然都系好足料，虾同鱿鱼味道都唔错。忌廉杂菇烟肉意粉配温泉蛋套餐 - 呢个都有附送一个沙律，当然无头先果个咁大碟咁丰富啦。不过个意粉就有d逊色，个汁太稀，搞到个意粉完全无味，d烟肉系水煮既，所以都系淡而无味。最好食系只温泉蛋，系佢令到成个意粉有返少少味道。总括而言，我觉得呢间餐厅既沙律做得比意粉出色，而且一个套餐都几丰富，有餐汤、沙律、主菜同饮品，所以价钱都唔算贵。