瑪拉小廚 (已結業)

第一次食南亚菜，都有d怕唔啱口味，不过朋友试过极力推介，即管试下！先食个鱼柳芒果沙律，对我黎讲个配搭好新鲜，鱼柳系炸过既，都有成五六件；芒果好鲜甜，个沙律微酸好清新，五个人每人分少少开下胃唔错。跟住就食海鲜pizza,个饼底好松软，唔会太厚，芝士味香浓，都几好食，但唔算特别。个烧羊脾就好好食，用左唔少香料(当然我唔知有咩)，一d都唔膻，烧得好香，有四件，一齐分d黎食就啱，唔会漏。另外仲有叫左海鲜墨汁面同埋咖哩鸡印度薄饼，一黎到大家争住食相都影唔切。个面淡左少少，面有d腍；个咖哩好香，配热辣辣薄饼食到停唔到口！