牛扒先生 (東港城) (已結業)

今次系第二次嚟食半自助午巿喇，上次好晏先嚟到食咗45分钟就够钟喇。今次十二点半就嚟到，食到大约两点半离开，完全唔赶慢慢食。主菜有六款选择，另有轻食午餐亦一样可以享用沙律及甜品。少食沙律嘅我都样样试晒，沙律质素几好，价钱仲要咁抵，真系食倾计饭嘅好地方。沙律选择好多。外卖套餐。坐咗一阵，点咗餐，拎嘢食。杂菌忌廉汤，好多菌碎，忌廉应该唔系咁多，唔会咁饱肚，味道都几好。各款沙律，木瓜好甜，菌亦算干身，菜亦新鲜，薯仔除咗有少少薯蓉亦保留到入面少少咬口，好味。帆立贝蟹肉松露意大利饭，无咩松露味，啲饭再淋啲会更合我意，整体普普通通。慢烤英国特嫩猪柳配三色胡椒汁，肉质松软，完全唔鞋，肉味都算重，呢个主菜最好味。香草烧鸡配蒜蓉汁，好鞋嘅鸡，而且好干。甜品都好多款，味道几好㗎。