影片
更多
2021-05-14
1701 浏览
呀呀呀 两个月后就要搬进来人称美食沙漠既马鞍山这天到新居视察装修进度，事成后再跟男友来商场找吃的，睇到一间个名咁长嘅潮州饭店，就入嚟试一试佢。门口可以用GULU拎位 ，下次来食，就可以预早排队。店舖环境都叫几大，可能限聚嘅关系，暂时全部都系四个人嘅圆台。平时食潮州嘢，都系喺九龙食打冷多，其实咁大个女都冇乜试过喺商场入边食。头先来了1份卤水鹅片，切得都算几薄又肥，下面系卤豆腐，份量其实唔算好多，两个人食啱啱好。再来左一煲蚝仔粥，本身都谂住会唔会太多，嚟到又发现其实两个人每人两个细碗半，都还可以。不过我以为会有餐牌入面嘅青花瓷煲装住可以打卡，上碟嘅时候餐具唔同咗，有些少失望。沙茶炒牛肉，餐牌入面有沙茶炒牛肉同埋沙茶牛肉炒河，前者比后者贵$10，见到隔离枱炒河粉好大碟， 谂住净炒牛肉应该会大份啲，点知仲细碟过隔离啲牛肉，价钱好似唔算好成正比。不过呢个沙茶炒牛肉真系好食嘅，沙茶酱味道好浓，牛肉又好嫰，下面既芥兰都好爽口。蚝仔烙，同平时系打冷舖头食开嘅蚝饼好唔同，呢个偏向似台湾嘅蚵仔煎，蚝仔比一层烟烟银银嘅饼粉包住，真系好似食紧台湾风味咁，厨房即煎即上碟，热辣辣。可能餐厅喺商场入面，所以呢个份量
两个月后就要搬进来人称美食沙漠既马鞍山
这天到新居视察装修进度，事成后再跟男友来商场找吃的，睇到一间个名咁长嘅潮州饭店，就入嚟试一试佢。
门口可以用GULU拎位 ，下次来食，就可以预早排队。
店舖环境都叫几大，可能限聚嘅关系，暂时全部都系四个人嘅圆台。
平时食潮州嘢，都系喺九龙食打冷多，其实咁大个女都冇乜试过喺商场入边食。头先来了1份卤水鹅片，切得都算几薄又肥，下面系卤豆腐，份量其实唔算好多，两个人食啱啱好。
再来左一煲蚝仔粥，本身都谂住会唔会太多，嚟到又发现其实两个人每人两个细碗半，都还可以。不过我以为会有餐牌入面嘅青花瓷煲装住可以打卡，上碟嘅时候餐具唔同咗，有些少失望。
沙茶炒牛肉，餐牌入面有沙茶炒牛肉同埋沙茶牛肉炒河，前者比后者贵$10，见到隔离枱炒河粉好大碟， 谂住净炒牛肉应该会大份啲，点知仲细碟过隔离啲牛肉，价钱好似唔算好成正比。不过呢个沙茶炒牛肉真系好食嘅，沙茶酱味道好浓，牛肉又好嫰，下面既芥兰都好爽口。
蚝仔烙，同平时系打冷舖头食开嘅蚝饼好唔同，呢个偏向似台湾嘅蚵仔煎，蚝仔比一层烟烟银银嘅饼粉包住，真系好似食紧台湾风味咁，厨房即煎即上碟，热辣辣。
可能餐厅喺商场入面，所以呢个份量既价钱有少少贵，菜位都要$12一位，不过佢每一台都有一部自动煲水机，你想饮几多都得，又唔使等人过嚟帮手冲水，长老辈应该会好喜欢呢一度。
张贴
