Pepper Lunch (馬鞍山廣場)

营业中

休息中

马鞍山系众所周知嘅美食沙漠，喺呢度即使系连锁食店都无比珍贵😂马鞍山市民想食靓嘅铁板肉真系唔容易， 向来都非常欣赏pepper lunch 嘅做法， 有信心直接将生肉上铁板出街嘅餐厅真系唔多， 大部分都系先烤过，半熟再上铁板， 要做铁板生肉第一样嘢铁板要够温度， 唔能够马虎，所费时间冗长， 对连锁速食店嚟讲系大忌， 宁愿花费时间成本都唔将就，呢份诚意加分， 除咗铁板要够热之外肉嘅新鲜程度都好重要， 唔够新鲜嘅话会有好大阵雪腥味， 就咁肉眼望落去，所有嘅新鲜生肉摆上铁板都系未经腌制， 对肉嘅新鲜程度冇信心系绝对做唔到。今次就叫咗一份牛粒薯蓉配饭， 铁板真系好够好够热， 铁板烤肉滋滋声响十五分钟都未完，搭配埋自己配搭份量嘅蒜蓉酱汁同黑椒， 外香内jucy， 珍珠米烟韧有口感有嚼劲， 将珍珠米放落铁板上烤出嘅肉汁里面， 口感同味道升华，非常推介呢种食法。正评系俾用心经营嘅餐厅。