金龍冰室 (已結業)

作为马鞍山人无野食就众所皆知，大围朋友介绍左大围最近开左间冰室，入面真系中西餐都有。我就叫左个全日早餐食份量我想像中多好多，但同普通西餐厅既all day breakfast 大同小异，烟肉煎得好香而且唔会好干，三文鱼亦都几鲜，无海鲜味，都无腥味。蛋同肠仔算系不过不失，一碟我都可以饱肚。友人叫左个星级杂扒，份量多到佢平时好大食都食唔晒，有猪有鸡有牛，而且出厨房既时候仲好香，成个铁板都热滋滋。最尾嗌左个黑松露芝士焗杂菌西兰花，芝士味几浓，而且西兰花唔会太干。