沙嗲王 (已結業)

前晚喺呢区揾野食, 师傅又想揾间可以坐耐少少, 但又唔会太贵嘅食店, 最后醒起呢度, 加上好耐都冇黎食过, 就入去试一餐啦!入到去唔多人, 好快有位坐; 一坐师傅即刻睇下有咩食, 最后师傅拣左个娘惹咖哩牛肉饭, 而友人就柯打左碗清汤香茅猪扒汤河, 再加左个芝士焗青口, 而饮品就柯打左薄荷七喜同埋椰果青苹果梳打!先讲下娘惹咖哩牛肉饭, 咖哩非常之香, 但唔算太辣, 而牛肉就好松身, 味道唔错, 得㖞; 芝士焗青口一客三只, 芝士都几多加上焗得几香, 青口就几细只, 不过味道算唔错, 可以啦; 而清汤香茅猪扒汤河嘅香茅猪扒就几油, 猪扒韧少少, 而河粉师傅就冇试到喇, 不过师傅估都系一般啦! 而饮品薄荷七喜就真系好够薄荷味, 好正呀; 而椰果青苹果梳打都冇试过, 不过味道应该唔错!总括黎讲食物质素都尚可, 环境一般, 服务又系普普通通, 价钱就唔算贵, 加埋一埋单一百五三蚊, 可以啦; 师傅次次黎亲呢间食店, 都冇试到呢度d沙爹, 到底呢间食店嘅沙爹系咪真系咁掂呢? 系咪真系可以称王呢? 偶然黎呢度食餐饭都几舒服, 下次有机会一定会试下呢度嘅沙爹, 笑脸可以一比!