影片
更多
2021-04-25
469 浏览
星期六，家人赶货，大家下昼饮完茶，佢去工厂夹手夹脚做啲下栏嘢，做完当然老细请食饭，但系星期六晚饭时间，APM, the wave 𠮶啲真系唔使旨意揾到位，工厂附近有间沙嗲王， 大把位，谂住入去饮番支啤酒，点知入到去原来佢冇酒牌。坐低俾QR code 你自助点餐，好似好多嘢拣其实好少，因为佢系一样嘢变出几个𩠌果种。例如鸡翼，个底味基本上系一样，炸之前捞啲牛油蒜头，就系蒜蓉牛油鸡翼，加啲咸蛋黄，就系黄金鸡翼，咩都冇加就系普通炸鸡翼....沙律几款，个底系一样嘅沙律菜，一样果二种酱汁，只睇吓面就系鸡扒定系温泉蛋定其他。沙嗲牛肉，个底配西兰花系一个𩠌，配第二种菜又另一个𩠌，配粉丝又系另一样。试咗上面嘅嘢，后加沙牛西兰花同蒜香薄饼。舖头名叫做沙嗲「王」，但系冇沙嗲串烧嘅，唯一嘅沙嗲，就系沙嗲牛肉，我哋叫咗沙嗲牛肉西兰花，𠮶啲沙嗲牛肉就系类似茶餐厅早餐沙嗲牛肉面𠮶啲，同个「王」有好大段距离，唔辣，冇花生香味，牛肉就系梳打粉拿到林晒冇味果种。廿几年前沙爹王几出名，尤其是学生好钟意去食，白咖喱猪扒饭系名物，咁多年冇食过，梗系有叫嚟试吓，白咖喱好甜下，冇咩辣味冇香料味，一定要送饭食，斋食超腻的。猪扒又系
坐低俾QR code 你自助点餐，好似好多嘢拣其实好少，因为佢系一样嘢变出几个𩠌果种。
例如鸡翼，个底味基本上系一样，炸之前捞啲牛油蒜头，就系蒜蓉牛油鸡翼，加啲咸蛋黄，就系黄金鸡翼，咩都冇加就系普通炸鸡翼....
沙律几款，个底系一样嘅沙律菜，一样果二种酱汁，只睇吓面就系鸡扒定系温泉蛋定其他。
沙嗲牛肉，个底配西兰花系一个𩠌，配第二种菜又另一个𩠌，配粉丝又系另一样。
试咗上面嘅嘢，后加沙牛西兰花同蒜香薄饼。
舖头名叫做沙嗲「王」，但系冇沙嗲串烧嘅，唯一嘅沙嗲，就系沙嗲牛肉，我哋叫咗沙嗲牛肉西兰花，𠮶啲沙嗲牛肉就系类似茶餐厅早餐沙嗲牛肉面𠮶啲，同个「王」有好大段距离，唔辣，冇花生香味，牛肉就系梳打粉拿到林晒冇味果种。
廿几年前沙爹王几出名，尤其是学生好钟意去食，白咖喱猪扒饭系名物，咁多年冇食过，梗系有叫嚟试吓，白咖喱好甜下，冇咩辣味冇香料味，一定要送饭食，斋食超腻的。猪扒又系嗱到冇肉味，冇质感。
全餐最好味系椒盐豆腐，豆腐炸完都好滑。其次系鸡翼同啲沙律菜（唔计面头块鸡扒）
环境阔落，装修普通，餐具唔算干净，自己有洗过，洗完啲水都好多杂质。
服务，职员一叫就到，又肯帮手闩细冷气，都算系OK，不过最尾加𠮶个薄饼，等咗25分钟，追咗两次。
结论：茶餐厅level，人均$100价钱（唔算饱，回家再食嘢，因为餐牌冇咩可以拣）平过佢又有，好过佢嘅又有，佢呢啲定位，好难搞.....应该唔会再嚟食。
张贴
