雨林軒

营业中

休息中

湾仔嘅茶餐厅经常有好多惊喜，今次食呢间雨林轩，本身开到夜晚8:00，晚市堂食竟然有八折，下午茶餐牌都去到夜晚8:00。今晚自己一个，拣左以下：沙爹金菇粉丝牛肉煲（$72）大大个煲，味道带少辣，主要黎自沙爹味，配饭一流。粉丝、金菇同牛肉嘅份量都多，牛肉就系平时瘦肉嘅厚度，肉质软得黎带点咬口。本身跟左白饭大大碗，另外有个迷你杂菜汤，但味道就偏淡。红豆冰（$8）好重椰奶我钟意！甜度啱我，唔算太甜，而又带出红豆味。红豆份量都多。总括黎讲食物绝对对得起价钱，八折后全单$64，食饱饱。