嘆點心

营业中

休息中

最近发觉呢间新开嘅点心店，仲要有买三送一优惠，梗系立即去探店啦！点咗嘅大部分都系王牌嘅产品！多数都以三件一款,建议三至四人嚟食就最啱！金牌虾饺皇~虾饺外皮晶莹剔透，馅料更加真材实料非常饱满，鲜虾十分弹牙！鲜虾烧卖皇~烧卖大大粒，配上蟹籽可以提升鲜味。招牌酥皮叉烧包~外层香酥嘅口感可以提升整个包点嘅特色！叉烧馅料非常惹味！鲜虾南瓜红米肠~红米肠喺坊间比较少见，红彤彤嘅颜色更加吸引！包裹著既香脆又弹牙嘅食材，完全可以用大满足嚟形容 。黑松露野菌腐皮卷~带有媒味嘅野菌，永远都同菌类系好拍档，再用腐皮包裹著炸至金黄色，沾上微酸嘅醋，简直系完美嘅演绎！枣蓉滑鸡饭~鸡件已经去皮去骨，鸡肉非常入味而且十分嫩滑，米饭亦粒粒分明！红枣嘅香气四溢，非常推荐！