明星海鮮舫 (已結業)

今晚要请由加拿大渥太华来的亲戚食晚饭，爸爸坚持要来沙田明星海鲜舫，因为他每天早上都来这里食早餐，对它有情意结，觉得呢度啲嘢又抵食又好食。亲戚叫了这个超值海鲜餐，菜式包括：1. 烧味双拼 - 豉油鸡、烧鸭（唔知系唔系我罗斯轮盘咁分配，分给我们的是多骨的部份），我个人觉得味道唔错，但系其他人觉得太咸。2. 榄菜肉碎炒四季豆 - 㰖菜可能太多了，味道咸咗啲，而且用的油可能多咗少少。3. 上汤加拿大龙虾蚊伊面 - 味道唔错，加拿大龙虾当然不及澳洲龙虾咁好味咁多肉。4. 清蒸新鲜鲍鱼仔 - 共有10只，因为加拿大冇得吃这款海鲜，所以是必食的。5. 清蒸两斤重大海斑 - 肉质新鲜，不过味道会比深水斑淡少少。6. 鱼肚杂菜煲 - OK，鱼肚的质素比较薄身及不太弹牙，但是这个价钱算合理了。7. 豆沙锅饼 - 完全不觉得油，又不太甜，Good! 8. 西瓜 - 够甜埋单＄1070，五位，每位$214。