九份•十分 (河畔花園) (已結業)

自从港铁提早关门，变相宵禁，真系少咗出夜街了。就算真系出去食饭，都唔敢去太远，又要成日睇住表，赶去坐尾班车回家，就住就住咁，都食得唔尽兴。今日仲要系哈佬喂，真系唔知港铁同班警察又会采取咩行动。但又见明天都出发去旅行，懒得煮饭，就决定同老公去近屋企附近找间经济又实惠既餐厅食饭，于是便到九份•十分。 店内装修不错，提供坐位也很充裕，而且食物选择多，有很多台湾的地道美食，例如盐酥鸡，蚵仔煎，芋圆等等......一坐下就叫了一份卤水鸭舌，鸭舌卤得很入味，肉质爽滑弹牙，仲配上配菜，令人引不住一口接著一口。另外小食叫了一份盐酥鸡及芒果软壳蟹米纸卷，先说说盐酥鸡，估唔到份量咁大份，2个人食有点多，而最特别的地方是自由调味，一排6种调味粉，任你落，首推辣粉加紫菜，好惹味。 而芒果软壳蟹米纸卷，个芒果汁酸酸甜甜，好开胃，好fresh。 主食就叫了台湾菜必食的半筋半肉牛肉面，面底系粗面，好有咬口，啲面挂满浓浓的牛肉汤，微辣，味道好浓，筋同肉都好淋，好入味。饮品叫了凤梨绿茶，茶味清香，不过甜。本来还想叫甜品，但份量真系有点多，太饱了，唯有下次再来试试吧。