影片
更多
2018-07-27
968 浏览
之前睇过杂志既报导，想试沙田友既菠萝包好耐。但太夜到，菠萝包一早售罄，就坐定定试下晚市套餐。店内装修非常特别。每张台都有沙田街道既招牌，呢啲真系沙田友既情义结！怀旧既装修，加上店内既广东潮语，可以话系沙田友，甚至香港人既集体回忆！餐牌：今晚就试左两个包小菜+中汤+白饭+饮品既中式小菜套餐老黄瓜排骨汤汤料非常多！黄瓜同排骨煲到好林，汤好有味道，饮得出系老火汤！大大碗，非常暖胃！冻奶茶茶同奶既比例非常好，好钟意重奶味既奶茶！路会太甜，亦都无茶胆放得太耐既苦涩味。朋友叫既热奶茶茶味浓，香滑，走糖都好够味椒盐焗肉排份量超大，绝对可以两个人share。肉排大大件，厚身，外面炸得够干身，唔油，但又能锁住肉汁，咬落唔会太干。肉排边有啲脂肪位，非常香口。炸蒜非常香，拎黎捞饭都好好味酱烧茄子鱼腩煲拎到黎台既时候，个煲仲滚紧！份量又系好大份，目测有4-5件鱼腩，大大件。鱼腩肉质结实，唔会煮到散开晒，都几新鲜。茄子颜色仲好靓，加上烧汁，送饭一流！餐厅职员都好有人情味，见佢地同食客都有讲有笑。食物份量多，价钱亦唔贵。座位以卡位居多，坐得都几舒服。沙田友又多个聚脚既地方，下次要早少少黎试埋佢地既蛋挞菠萝包先得！
之前睇过杂志既报导，想试沙田友既菠萝包好耐。但太夜到，菠萝包一早售罄，就坐定定试下晚市套餐。
店内装修非常特别。每张台都有沙田街道既招牌，呢啲真系沙田友既情义结！怀旧既装修，加上店内既广东潮语，可以话系沙田友，甚至香港人既集体回忆！
餐牌：
今晚就试左两个包小菜+中汤+白饭+饮品既中式小菜套餐
老黄瓜排骨汤
汤料非常多！黄瓜同排骨煲到好林，汤好有味道，饮得出系老火汤！大大碗，非常暖胃！
冻奶茶
茶同奶既比例非常好，好钟意重奶味既奶茶！路会太甜，亦都无茶胆放得太耐既苦涩味。
朋友叫既热奶茶
茶味浓，香滑，走糖都好够味
椒盐焗肉排
份量超大，绝对可以两个人share。肉排大大件，厚身，外面炸得够干身，唔油，但又能锁住肉汁，咬落唔会太干。肉排边有啲脂肪位，非常香口。
炸蒜非常香，拎黎捞饭都好好味
酱烧茄子鱼腩煲
拎到黎台既时候，个煲仲滚紧！份量又系好大份，目测有4-5件鱼腩，大大件。鱼腩肉质结实，唔会煮到散开晒，都几新鲜。茄子颜色仲好靓，加上烧汁，送饭一流！
餐厅职员都好有人情味，见佢地同食客都有讲有笑。食物份量多，价钱亦唔贵。座位以卡位居多，坐得都几舒服。沙田友又多个聚脚既地方，下次要早少少黎试埋佢地既蛋挞菠萝包先得！
张贴
