影片
更多
2021-07-26
530 浏览
车公庙终于有第二个景点，就系依间“牧羊少年咖啡馆”，呢间餐厅七月头先装修完，同之前完全系两个feel。餐厅入面好灯火通明，畀人一种好放松嘅感觉。环境好宽敞，唔会太焗促，好有私人空间。价钱都好实惠好平民。如果想食得轻盈啲，可以选择食佢哋嘅沙律。但食肉兽嘅我就暂时唔选择住。意粉方面有六种选择，款式唔需要多，最重要系够精。“牧羊少年”入面啲甜品都一样咁出色，所以食完主食我一定会嗌佢哋嘅甜品填满我第二个胃。冬荫功海鲜薄饼$138呢个pizza即叫即做，一上枱已经嗅到好香嘅冬阴功味，而且仲有好多芝士，虾都好大只，条边又烤到好脆，我一个人都食咗三块。鲜忌廉牛油果鸡肉长通粉$108估唔到呢个长通粉都俾到惊喜我，因为有时出去食长通粉，唔系太硬就太淋，呢度嘅通粉软硬度啱晒我，而且条条都挂满忌廉汁。炙烧荷兰汁猪肉扒$78荷兰汁猪扒真系唔系度度都食到，每次嚟到牧羊cafe都必叫，佢哋呢度嘅猪扒真系好出色，而且仲要系厚切。京都春日$108虽然食咗咁多嘢，但点都要叫返呢度嘅甜品做一个完美嘅总结，就系士多啤梨窝夫配云呢拿雪糕，云呢拿雪糕就唔多介绍，但佢嘅窝夫超级好食，仲要系厚窝夫，而且系即叫即做，虽然等得耐啲，但
餐厅入面好灯火通明，畀人一种好放松嘅感觉。
环境好宽敞，唔会太焗促，好有私人空间。
价钱都好实惠好平民。
如果想食得轻盈啲，可以选择食佢哋嘅沙律。
但食肉兽嘅我就暂时唔选择住。
意粉方面有六种选择，款式唔需要多，最重要系够精。
“牧羊少年”入面啲甜品都一样咁出色，所以食完主食我一定会嗌佢哋嘅甜品填满我第二个胃。
冬荫功海鲜薄饼$138
呢个pizza即叫即做，一上枱已经嗅到好香嘅冬阴功味，而且仲有好多芝士，虾都好大只，条边又烤到好脆，我一个人都食咗三块。
鲜忌廉牛油果鸡肉长通粉$108
估唔到呢个长通粉都俾到惊喜我，因为有时出去食长通粉，唔系太硬就太淋，呢度嘅通粉软硬度啱晒我，而且条条都挂满忌廉汁。
炙烧荷兰汁猪肉扒$78
荷兰汁猪扒真系唔系度度都食到，每次嚟到牧羊cafe都必叫，佢哋呢度嘅猪扒真系好出色，而且仲要系厚切。
京都春日$108
虽然食咗咁多嘢，但点都要叫返呢度嘅甜品做一个完美嘅总结，就系士多啤梨窝夫配云呢拿雪糕，云呢拿雪糕就唔多介绍，但佢嘅窝夫超级好食，仲要系厚窝夫，而且系即叫即做，虽然等得耐啲，但都系值得，外脆内软，蛋味香浓。
下次嚟到唔食晚餐，都可以喺度饮杯咖啡，休闲地睇住小说，咁就可以慢活生活。
张贴
