少爺泰 (已結業)

今日去左沙田围食泰国菜， 门口系Tiffany 色， 入到去装修都几靓， Tiffany 色继续系主调。有啲摆设都几特别， 感觉好舒服， 座位都好舒适。打开menu 第一页教泰文， 等紧野食黎同朋友一齐读， 好搞笑。 饮品都多选择。 除左啲传统野， 仲有好多水果沙冰。叫左两杯都系好女仔既红色， 几清甜。 个杯好特别，系骷髅骨头，而且份量都几大杯， 唔会两啖饮晒。 小食拼盘有4款炸物，岩岩炸起， 好热， 好香口。两个人叫（小） 就够， 多啲人可以叫（大）， 好似再多款啲同份量多啲。呢个菠萝鸡肉沙律， 超多水果， 成个菠萝不特止， 仲有苹果， 荔枝， 士多啤梨同香蕉。 啲鸡都几嫩， 同啲水果绝配。马拉盏炒椰菜苗， 好香， 唔会炒过火， 个汁都好正，超快清左。 啲椰菜苗唔会太老。泰式大虾炒金边粉，炒得几好， 上面仲有个蛋网， 好精致。 味道唔几好，辣粉分开放， 适合爱辣同唔爱辣人仕一齐食。另外， 佢地啲碟都好有特色， 系竹箩咁， 好有feel。