叉燒大王

营业中

休息中

呢日又同小朋友去到沙田嘅交通安全公园度玩， 玩完之后喺附近度揾嘢食， 屋企人建议想食小菜， 我哋去咗间叫叉烧大王嘅餐厅， 晚市餐厅主要做小菜和烧味， 我哋都系比较早嘅时段去大概六点零钟 ，所以就好快有位。茶树菇炖唐排我哋当晚嗌咗四𩠌一汤， 个汤系嗌咗茶树菇炖唐排， 个汤既清甜， 好足料， 几重茶树菇嘅味道。蜜薯牛仔粒依家出面嘅小菜薯仔同牛仔粒呢个配搭都好流行， 但出面嘅餐厅通常都系做黑椒薯仔牛柳粒， 呢度 嘅薯仔牛柳粒系用咗物质来做， 对于一啲唔食辣嘅朋友多咗个选择， 牛柳粒做得几冧，唔靭， 薯仔炸到有少少脆面可以索到啲酱汁。酱烧脆皮茄子呢只酱烧脆皮茄子系用铁板上， 茄子入面酿咗啲肉， 再上薄粉炸， 最后用个烧汁嚟喂， 茄子外层有一层薄嘅脆皮， 食落几特别。豉油皇海虾海虾系走过油， 炸得通透， 然后再用豉油皇汁你喂， 虾肉够爽口 ， 个豉油皇汁都调教得唔错。 我连壳都食埋。叉烧(例牌)餐厅个名用叉烧嚟做招牌，当然要试下呢度嘅叉烧， 呢碟叉烧系半肥瘦 ，同埋系㶶边， 呢两样嘢系佢食叉烧嚟讲好食嘅元素， 叉烧肉质几冧， 㶶边位够香口。