和氣食堂 (河畔花園)

营业中

休息中

今日同朋友嚟到沙田围食晚餐，嚟到呢间和气食堂食日本料理，到嘅时候七点半，已经满座，外面仲有好多食客喺度等紧，可见呢间餐厅风评唔错。白咖喱鸟冬配炸鸡（$88）上层有打发起泡嘅cream，食嘅时候将佢同底下嘅咖喱乌冬捞匀，咖喱当中嘅椰汁味好突出，配埋cream做到香浓柔滑嘅口感，而赞岐乌冬，食落弹牙，同汤底非常配搭！至于炸鸡，有三只鸡锤，外皮酥脆，内里仲保留到肉汁，鸡肉嫩滑～5色海鲜丼（三文鱼、鳗鱼、帆立贝、拖罗、三文鱼籽）（$128）除咗以上海鲜之外，仲配有玉子同青瓜。当中嘅三文鱼切得非常之厚身，啖啖肉，而三文鱼籽一d都唔腥，至于玉子食落去甜甜地，口感结实，非常好食～烧日本郧岛蚝2只（蒜、烧芝士味各一）（$48）蚝最怕腥味，但呢间整嘅烧蚝一啲都唔腥，而且蚝大大只，够肥美😋，有两种口味，配葱蒜同芝士都好夹～芝士厚烧玉子（$42）食落去甜甜地，食落一啲都唔干身，层层蛋之中仲保留到汤汁，玉子亦唔会煮得太老，好嫩口～温泉玉子牛油果凯撒沙律（$58）第一次试温泉蛋配沙律，估唔到温泉蛋同沙律嘅配搭好夹，温泉蛋可以调和蔬菜嘅草青味，配埋沙律酱、牛油果同多士粒，整体唔错。